Éin til sjukehus etter trafikkulukke
Ein bil kolliderte med ein lyktestolpe i Lunde torsdag formiddag.
Klokka 11.40 melde Vest politidistrikt på Twitter at ein bil har kollidert med ein stolpe på fylkesvegen i Lunde
I twittermeldinga blir det meld at skadeomfanget er ukjend, og at naudetatane er på vegen. Ifølgje observasjonar på staden er naudetatane på plass.
Artikkelen held fram under annonsen.
Til «Tysnes» stadfestar Per Algrøy ved Politiets operasjonssentral at ein bil har kollidert med ein lyktestolpe. To personar var involvert i hendinga, og begge har blitt frakta vekk med ambulanse. Algrøy opplyser at den eine er sendt til legekontoret, medan den andre er sendt til sjukehuset på Stord. Han fortel at begge personane var ved bevisstheit, men har ikkje vidare opplysingar om helsetilstanden på personane.
Det blir forøvrig opplyst at det blei stor skade på bilen, og at lyktestolpa blei knekt og leidningar fall ned.
Både politi, brannvesen og ambulanse, samt BKK rykte ut til hendinga. «Tysnes» får opplyst frå ulukkesstaden at stolpen la seg på tvers av vegbanen etter uhellet, men at BKK var tidleg på staden og retta den opp att.
Vegen var stengt i ein periode, men det skal no vera mogleg å ta seg forbi ulukkesstaden.
– Politipatruljen foretar trafikkdirigering, opplyser Algrøy.
