Tysdag: Pressekonferanse om koronasituasjonen
Klokka 16 i dag, tysdag, inviterer statsminister Erna Solberg, kunnskaps- og integreringsminister Guri Melby og barne- og familieminister Kjell Ingolf Ropstad til pressekonferanse om koronasituasjonen på Statsministerens kontor. Helse- og omsorgsminister Bent Høie, helsedirektør Bjørn Guldvog og avdelingsdirektør Line Vold i Folkehelseinstituttet deltek òg.
Dei nasjonale tiltaka som blei innført 25. mars går ut natt til onsdag, og det er venta at ein på pressekonferansen i dag vil få vita kva tiltak som vert vidareført.
Artikkelen held fram under annonsen.
Tiltaka som framleis gjeld inneber mellom anna skjenkeforbod, karantenehotell etter unødvendige utanlandsreiser, råd om maks to på besøk og ein regel om å halda to meters avstand.
