Feiringa er i gang
Klokka 10.00 sette toget i Våge i gang marsjen frå ferjekaien til kyrkja.
I det store og små gjorde seg klare til å marsjera titta dei fyrste solstrålane fram bak det gråkledde morgonskydekket i Våge. Klokka 10 sette toget taktfast i marsj i retning kyrkja, og det lange toget bukta seg gjennom Våge sentrum akkompagnert av hurrarop og korpsmusikk.
Toget stoppa ved Tysnes kyrkje, der det var nedlegging av krans.
Artikkelen held fram under annonsen.
Programmet for fellesfeiringa fortset med ulike innslag i Tysneshallen, etterfølgd av leik og moro på skuleplassen.
Utover dagen er det òg eigne markeringar rundt om i kommunen, både i Lunde, Uggdal, Onarheim, Flatråker og Reksteren.
Hugs å senda dine beste 17. mai-bilete til redaksjonen@tysnesbladet.no, slik at me kan dela dei med resten av Tysnes. Skriv gjerne fullt namn på dei som er på bileta, og legg ved nokre beskrivande ord.
Ha ei god feiring!
