Dagen for å komma seg ut
Publisert
I dag, søndag, blir Kom deg ut-dagen markert med ulike arrangement over heile landet.
På Tysnes kan folk leggja turen til Kjevikjo i Uggdal, der Tysnes Turlag stiller med både bålpannemat og ulike aktivitetar. Her kan ein mellom anna delta på turquiz og få ansiktsmåling.
Annonse
Vêret blir kanskje ikkje like varmt og sommarleg som i fjor, men turlaget lovar god stemning i sjøkanten og håpar mange blir med. Arrangementet er gratis og ope for alle.
Det er Den Norske Turistforening (DNT) som står bak den nasjonale Kom deg ut-dagen. Målet er å skapa gode opplevingar i nærmiljøet for familiar og andre som har lyst til å vera med på ein fin dag i friluft.
