Del dine 17. mai-bilete med oss

Bladet Tysnes ynskjer å få tilsendt 17. mai-bilete frå store og små markeringar kringom i bygdene våre. Har du bilete du vil dela med lesarane våre? Då kan du senda dei til: ole@tysnesbladet.no (som har vakt i «Tysnes» på 17. mai). Me ynskjer også bilete av tysnesingar andre stadar i verda.

Innsende bilete vil bli presentert på tysnesbladet.no, og i papiravisa. Skriv gjerne nokre ord om kva saka eller arrangementet gjeld, og namn på personar på bileta. (NB: Hugs å klarera med personane at det er greitt at biletet blir offentleggjort av «Tysnes»). Skriv også kven som er fotograf.

Hugs god oppløysing på bileta, og send dei gjerne som vedlegg på e-post. Bilete kan og sendast på SMS til vakttelefon: 48205660 (eller på Facebook/Messenger).

Bilete som ein ynskjer på trykk i papiravisa, bør sendast inn på 17. mai, og seinast 18. mai kl. 08.00. Me gler oss til mange innsende bilete – og ein brei dokumentasjon av tysnesingar heime og ute sine markeringar av nasjonaldagen.

Vinn Flaxlodd: Alle som sender inn bilete er med i trekkinga av 25 Flaxlodd. Me deler ut fem premiar à 5 lodd kvar.

«Tysnes» ynskjer alle ein riktig fin nasjonaldag!