Eit siste vink frå kusymra

Onsdag sist veke la Irma Bratholmen merke til ei blomstrande kusymre i Espevik. Det latinske namnet på denne planta er Primula vulgaris, og ifølgje Wikipedia betyr slektsnamnet Primula «den første om våren». I Espevik er den visst også den siste om hausten.

Namnet kusymre, eller kusommar som mange gjerne seier her i Sunnhordland, kan ha sitt opphav i at den (vanlegvis) blømer på den tida når kyrne kan sleppast ut på beite. I Norge er planta vanleg i kyststrøk frå Aust-Agder til Sør-Trøndelag.