Inviterer til avskjedskonsert
Publisert
Tidlegare i sommar melde me at André Eide skal slutta som organist i Tysnes, til fordel for ei fulltidsstilling i Kvinnherad og ein enklare kvardagslogistikk.
– Eg kjem først og fremst til å sakna folka. Samarbeidet med kollegaer og alle eg har blitt kjent med. Det har vore ei fin tid, sa den ettertrakta pianisten i eit intervju med «Tysnes».
Annonse
Som ei verdig avslutning på dei ni åra han har jobba på Tysnes, inviterer han no til avskjedskonsert i Tysnes kyrkje fredag 28. august. I eit Facebook-arrangement for konserten skriv han at han håpar at mange tek turen.
Og kanskje blir ikkje dette det aller siste me ser til Eide?
– Eg tek med meg mange gode minne og håpar å få koma tilbake som gjesteartist med jamne mellomrom, skriv han på Facebook.
Eide har ikkje berre spelt seg inn i hjarta til tysnesingane. Facebook-sida hans har svimlande 420.000 følgjarar, og han får alltid stor respons på spelevideoane han legg ut.
Annonse
