30 SPØRSMÅL: Kven blir Årets spåmann? Delta og vinn heider og ære, samt ti Flaxlodd. (Illustrasjonsbilete)

Konkurranse: Bli Årets spåmann 2021

Kjem leiar i Tysnes Turlag, Rebekka Høgestøl, til å delta på vinterbadinga i Våge? Blir det showkamp mellom Noldus IL og Njardar/Tysnes sitt a-lag? Kjem Tysnesfest til å samla meir enn tusen på Gjerstad samstundes?

Som vanleg er «Tysnes» klar med årets kanskje aller mest prestisjetunge kåring. No gjeld det å sjå inn i glaskula og spå korleis 2021 blir. Me har 30 spørsmål, men har du 30 riktige svar?

Alt du treng å gjera for å delta er å trykka på denne lenka, og svara i veg. Dersom ein ikkje stoler heilt på moderne teknologi, finn ein også spåmannskonkurransen i den siste papirutgåva av «Tysnes».

Fristen for å delta i konkurransen er 29. januar.

Om eitt år oppsummerer me svara, og den med flest riktige svar blir Årets spåmann. Dersom to eller fleire har like mange riktige, blir det loddtrekning for å kåra ein vinnar. Vinnaren får heider og ære, i tillegg til ti Flaxlodd.

I 2020 var det Bjørn Inge Leite som gjekk heilt til topps med heile 27 av 30 riktige svar. Sigersintervjuet med Bjørn Inge kan du lesa her.

Lukke til!