Kven fortener ein juleblom?
Publisert
I vekene før jul vil redaksjonen i «Tysnes» ta opp att tradisjonen med å dela ut julestjerner til lokale eldsjeler. Sidan 2017 har me delt ut over 60 blomar, men me er sikre på at det er mange gode kandidatar igjen der ute.
Så – kven meiner du at avisa bør gjera litt ekstra stas på i år? Det kan vera nokon som spreier glede, jobbar frivillig, styrkjer samhald eller berre er veldig god å ha i livet. Kort sagt: menneske som gjer Tysnes litt betre, utan å venta noko tilbake.
Annonse
Forslag til juleblom-kandidatar kan sendast på e-post til redaksjonen@tysnesbladet.no. Du kan også senda oss ei melding via Facebook eller Instagram, eller ta kontakt på telefon 53432220.
Hugs å fortelja litt om kvifor nettopp din kandidat fortener ein blom.
