Lesarbilete frå 17. mai-feiringa
Me takkar for alle innsendte bilete, samtidig som me framleis blir svært glade for endå fleire.
Bilete 1 av 15
FEIRING: Arne Leite har sendt bilete av denne gjengen. (Foto: Arne Leite)Bilete 2 av 15
MUSIKK: Det har vore fleire musikalske innslag rundt om på Tysnes i dag. (Foto: Arne Leite)Bilete 3 av 15
MINI-TOG: På Reksteren hadde dei eit mini-tog. (Foto: Ina Kaldefoss)Bilete 4 av 15
NASJONALDAG: Mia og Stine Kaldefoss Gjøvåg koste seg på Reksteren. (Foto: Ina Kaldefoss)Bilete 5 av 15
Lars og Åse Enes har brukt nasjonaldagen på å ferdast i Tysnes-naturen. (Foto: Åse Enes)Bilete 6 av 15
PÅ TUR: Lars og Åse tok mellom anna turen til toppen av Blåbærhaugen. (Foto: Lars Enes)Bilete 7 av 15
TOPPTUR: Dei starta dagen på Vestrefjellet/Teiglandsnuten, medan salutten gjekk i Tysnesbygda. (Foto: Åse Enes)Bilete 8 av 15
FOSS OG FLAGG: Lars og Åse har også vore innom Bakkafossen. (Foto: Åse Enes)Bilete 9 av 15
SKIP: Flagget er på plass på «North Sea Giant», som ligg i Nedrevåge. (Foto: Jonas Elven)Bilete 10 av 15
FLAGG: Flagget om bord på skipet kan absolutt nominerast til prisen som det største flagget på Tysnes i dag. (Foto: Jonas Elven)Bilete 11 av 15
VIKINGAR: Britt og Knut Rage har fått på seg finstasen til 17. mai. (Foto: Knut Rage)Bilete 12 av 15
HUND: - Fido er klar for 17. mai-tur før frukost, skriv Marit Nancy Allard Gjøvåg om dette biletet. (Foto: Marit Nancy Allard Gjøvåg)Bilete 13 av 15
«KORPSET» SPELAR: På Dalland blei det lokal flaggheising akkompagnert av tidlegare medlem i Tysnes musikklag, Hans Ole Dalland. Ifølgje innsendar deltok også ein inspirert gauk i nærleika på musikalske innslaget. (Foto: Anne Merete Blichfeldt Dalland)Bilete 14 av 15
ONARTUN: På Onarheim delte bygdalaget ut snopeposer til barna. (Foto: Kari-Ann Leknes)Bilete 15 av 15
PYNTA: Det er ingen tvil om at bilen bar pynta til fest. (Foto: Kari-Ann Leknes)Sjølv om det ikkje har vore ei vanleg 17. mai-feiring, har folk på Tysnes markert dagen på ulike måtar. Enten ved å samlast i mini-tog, nytt dagen ute i naturen eller feira med sine næraste heime hos seg sjølve. I biletgalleriet er eit knippe av bileta me har fått tilsendt på denne dag.
Det er framleis ikkje for seint å senda inn dine bilete frå nasjonaldagen. Me tek aller helst imot bilete på mail til oyvind@tysnesbladet.no. Send bileta gjerne som jpg-fil som vedlegg i e-posten, og med høgast mogleg oppløysing. Ein kan óg senda til vår vaktelefon, som har nummer 48 20 56 60, eller direkte til «Bladet Tysnes» på Facebook.
Artikkelen held fram under annonsen.
Hugs å skriva kven som er fotograf, og skriv gjerne nokre ord om kva biletet/arrangementet gjeld. Og skriv ikkje minst namna på kven som er på bileta. Hugs også å klarera med dei som er med på biletet, at det er greitt at biletet hamnar på trykk.
