KLARE FOR HAUSTUTSTILLING: Kreativ Tysnes heiter det nye kunstfellesskapet på øya. Så langt har 16 meldt seg inn i gruppa. Ti av dei vert å sjå på veggene i naborommet til BUA. Frå v. Olav Høgestøl, Jannike Dalland, Astri Dalland, Gro Fjeldtvedt, Thor Øyvind Fagernes, Leif Bringslimark, Sanita Balode, Rannveig Ljostveit Helland og Mona Amland. Wenche Brandsæter var ikkje til stades då biletet vart teke. Men ho kjem sterkare att på laurdag. Både med bilete og med andre snurrepiperier på stand.
Lokal kunst på veggene i nabo-BUA
Fleire er utøvande kunstnarar med kjende namn. Andre ikkje fullt så vidgjetne. Og så har du Rannveig Ljostveit Helland. Ho er både initiativtakar og debutant på Kreativ Tysnes si eiga haustutstilling.
