Markerte 17. mai direkte frå Tysnes kyrkje
Trass både regn og hagl, var alle involverte partar godt nøgde med gjennomføringa av live-sendinga frå minnestøtta ved Tysnes kyrkje.
Bilete 1 av 8
KRANSENEDLEGGING: Anna Haaland Haugsgjerd fekk æra av å leggja ned krans ved minnestøtta i Våge.Bilete 2 av 8
KORPS: Tysnes musikklag stod for musikalske innslag.Bilete 3 av 8
DIKT: Anna las også dikt.Bilete 4 av 8
LIVE: Heile markeringa ved Tysnes kyrkje blei filma og sendt direkte på tysnesbladet.no.Bilete 5 av 8
FRAMMØTE: Nokre trassa vêret og møtte fram til markeringa.Bilete 6 av 8
MUSIKALSK TOG: Musikklaget marsjerte frå kyrkja til Esso.Bilete 7 av 8
MUSIKKLAG: Trass koronasituasjonen har Tysnes musikklag har hatt ein 17. mai med mykje speling.Bilete 8 av 8
OMSORGSSENTER: For musikklaget gjekk turen vidare til omsorgssenteret, der dei spelte for dei eldre.– Det var litt skummelt, men det gjekk fint, fortel Anna Haaland Haugsgjerd.
Ho hadde i år blitt spurt om å lesa dikt og leggja ned krans ved minnestøtta ved Tysnes kyrkje, noko ho sette stor pris på.
– Det var veldig gøy å bli spurt. Eg var ikkje i tvil om at eg skulle seia ja, fortel ho.
Direkteoverføring
Nokon hadde møtt opp for å få med seg markeringa, men dei fleste sat heime og følgde med på direktesendinga via tysnesbladet.no. (Opptak av sendinga kan ein sjå i videovindauget nedst i saka.) Saman med opptak frå Reksteren og Uggdal, samt ein tale frå ordførar Kåre Martin Kleppe, blei markeringa i Tysnesbygda filma og streama direkte.
Det var Tysnesfest Media som stod for produksjonen av sendinga.
– Me føler det blei vellukka. Me er fornøgde, fortel Joar Epland, som saman med Haakon Haaland, Øystein Vaage og Hans Christian Haaland jobba med produksjonen av sendinga.
– Det går nokre arbeidstimar og nokre meter med kabel for å få dette til, fortel Hans Christian.
For Anna blei det litt ekstra spennande at hennar innslag blei filma og direktesendt.
– Det var litt spesielt å bli filma. Eg føler jo at alle ser meg, fortel Anna, som synest det er fint at markeringa blei filma og direktesendt.
– Det fint å få gjort noko ekstra ut av det, når ikkje 17. mai blir som vanleg, seier ho.
Artikkelen held fram under annonsen.
Nøgd komiteleiar
Bjarte Erstad er leiar for 17. mai-komitéen for fellesfeiringa i Tysnesbygda. Han var godt nøgd med gjennomføringa av markeringa, og sluttproduktet som blei sendt ut til Tysnes-heimane.
– Det blei veldig bra. Eg er glad for at Anna sa ja til å stilla opp, og for at Tysnesfest-gjengen sa ja til å produsera sendinga. Eg må få takka begge, seier Bjarte.
Det er i år 75 år sidan slutten av andre verdskrig. Ved alle minnestøttene i kommunen har vore ulike markeringar.
– Det er ein 17. mai som er spesiell på alle moglege måtar, og det set gjerne ting litt i perspektiv, seier Erstad.
