Me ynskjer dine 17.mai-bilete

Det blir ein annleis 17. mai i år, men det treng ikkje leggja ein dempar på feiringa. Me vil veldig gjerne at akkurat du sender inn dine bilete frå nasjonaldagen til oss i «Tysnes». Me håpar og trur at innbyggjarane kringom i bygdene, hyttefolk og tysnesingar andre stader i verda vil vera med og markera nasjonaldagen på ein storslått måte, og at ein vil dela dette med oss i avisa.

I tillegg vil me gjerne sjølv oppleva korleis nasjonaldagen blir markert kringom i kommunen. Har du, eller nokon du kjenner, heilt spesielle eller kreative planar for 17. mai (sjølvsagt innanfor gjeldande smittervernreglar). Send oss eitt tips, så kan det godt henda at me vil ta turen for å laga ein reportasje frå akkurat feiringa di.

Me tek aller helst imot tips og bilete på mail til oyvind@tysnesbladet.no. Send bileta gjerne som jpg-fil som vedlegg i e-posten, og med høgast mogleg oppløysing. Ein kan óg senda til vår vaktelefon, som har nummer 48 20 56 60, eller direkte til «Bladet Tysnes» på Facebook.

Hugs å skriva kven som er fotograf, og skriv gjerne nokre ord om kva biletet/arrangementet gjeld. Og skriv ikkje minst namna på kven som er på bileta. Hugs også å klarera med dei som er med på biletet, at det er greitt at biletet hamnar på trykk.

Me blir glade for alle bilete me får tilsendt. Innsende bilete blir publisert på tysnesbladet.no, og i papirutgåva av avisa fyrstkomande onsdag.