IRENE OG VARG: Ho er leiar av Tysnes bonde- og småbrukarlag, og meiner at årets jordbruksoppgjer ikkje heng på greip. Høggravide Irene Dalland er heller ikkje særskilt glad for at hjorten et opp fôret som skal fø ammekyra av rasen vestlandsk fjordfe. Difor har dei kjøpt Varg som snart er gamal nok til å jaga vekk hjort dag og natt.
Reknestykket går ikkje opp
– Så lenge landbrukspolitikken i Norge er slik han er i dag, er det ikkje liv laga for små gardar som ein finn mange av her vest. Eg skjønar godt at folk gjev opp før dei er komne skikkeleg i gang, seier Irene Dalland.
