Tysnes-elevar på utdanningsmesse
Av Svein A. Birkeland
Torsdag var 22 elevar og tre lærarar frå 10. trinn på Tysnes skule på Stord-tur. Der var dei på den store Utdanningsmessa på Vikahaugane Idrettspark, like ovanfor Leirvik.
Artikkelen held fram under annonsen.
Messa er den 31. som vert arrangert av Stord Rotary.
Elevar og lærarar hadde anledning til å sjekka innom over 55 utstillarar denne føremiddagen. Arrangøren melder om at over 2.400 elevar frå alle ungdomsskulane i distriktet var innom. Det er berre å håpa at elevane som no går på 10. trinnet har funne ei interessant linje vidare, for innan 1. mars må det vera gjort.
