FLYTTAR TIL JANUAR: Laurdag skulle det etter planen vore fysisk comeback for ungdomslagsbasaren i Vonheim, som i fjor blei arrangert digitalt. No er basaren utsett til januar på grunn av smittesituasjonen. (Arkivfoto)

Ungdomslagsbasaren blir utsett

Aukande koronasmitte set sitt preg på Tysnes-helgen. Tysnes ungdomslag set basaren sin på vent.

Øyvind Bjerkestrand oyvind@tysnesbladet.no

Publisert: 05.11.2021 16:55 Sist oppdatert: 17:06

Tidlegare i dag kom beskjeden frå Hjertefred-arrangørane om at det planlagde arrangementet i OnarTun søndag blir utsett på ubestemt tid på grunn av smittesituasjonen i kommunen. Den siste veka har det blitt påvist fleire positive smittetilfelle, og mange har testa seg.

No har også styret i Tysnes ungdomslag bestemt seg for å utsetja den planlagde basaren i Vonheim laurdag av same grunn. Ungdomslaget flyttar basaren til over nyttår, til ny dato 23. januar.

«Tysnes» tar gjerne imot tips dersom det er fleire arrangement som blir avlyst eller utsett på grunn av smittesituasjonen.