STORT APPARAT: Denne radioen vart bygd av Sverre Gjelland og brukt til å høyra på nyheiter frå London under krigen. Radioen vart gøymd i ei hole i skogen. Det var mange slike apparat rundt på Tysnes. (Lagt ut på Tysnes før i tio av Edvard Tysnes).
Blendingsgardiner og skjulte radioapparat
På Tysnes som alle andre stader i landet vart blendinga strengt handheva. Det var sjølvsagt for at britiske fly ikkje skulle kunna orientera seg frå lufta, eller båtar og skip frå sjøsida. I vinterhalvåret låg landet såleis fullt mørklagt. Iallfall i utgangspunktet, for det finst ei rekkje rapportar om at mange «gav blanke» i blendinga, ofte av rein van-vare, men også som ein protest mot tyskarane og nazistyret.
