Klarte EM-kravet
Pernilla Epland var godt innanfor EM-kravet då ho i dag sprang inn til tida 1.13.10 på Barcelona halvmaraton.
Tida hennar er òg ei solid forbetring av hennar personlege rekord, samt klubbrekorden, som frå 2018 har vore på 1.14.34, ifølgje Stord Friidrett sine Facebooksider.
EM-kravet er på 1.13.30.
– Ho disponerte løpet veldig bra med passering 17.14 på 5 km, 34.29 på 10km, 51.55 på 15km og 1.09.36 på 20 km, opplyser Stord Friidrett.
Dei legg til at ho heile vegen heldt følgje med Vienna Dahle frå Skjalg, som òg klarte EM-kravet med tida 1.13.19.
Ella Sandra Dahl Berland ella@tysnesbladet.no