TYSDAG FØREMIDDAG: Nyoppkøyrte løyper og flotte skiforhold i Solheimsdalen. (Alle foto: Torbjørn Meland/OIL)

Strålande skiforhold i Solheimsdalen

Tysdag føremiddag: Det er nyoppkøyrte løyper i skianlegget i Solheimsdalen og flotte skiforhold. Det melder Onarheim Idrettslag.

Heile løypetraséen ved Løkjen er køyrt opp med scooter. Snøen er pakka og det er køyrt spor. No ligg anlegget klart for dei som ynskjer seg ein skitur før mildveret set inn att.

– Torbjørn Meland har sytt for at det no er flotte skiforhold i anlegget. No kan folk ta turen, melder Stein Olav Skaten i Onarheim IL.

Skogsvegen frå parkeringsplassen og inn til anlegget er også køyrt opp. Denne er også sporsett med scooter.

Ole Skaten ole@tysnesbladet.no

VINTER: Stemningsrapport frå skianlegget tysdag føremiddag.
FYRSTE I ÅR: For fyrste gong denne vinteren er det skiforhold i anlegget i Solheimsdalen.
SOL OG VINTER: Glimt frå skianlegget i Solheimsdalen tysdag føremiddag.