RYKTE UT: Redningshelikopter, Kystvakta og naudetatane var raskt framme på ulukkesstadane. Foto: Ada Brekke Aadland.

Båt- og bilulukke ved Godøysund

Dobbelulukke der båt køyrde på land ved Godøysund, og politibil krasja front-mot-front med privatbil på veg til ulukkestaden.

Klokka 21.52 søndag kveld melde Vest Politidistrikt via Twitter at ein båt hadde køyrt på land medan motoren fortsatt var igang. Naudetatane, redningshelikopter og Kystvakta kom raskt til staden. Ein person vart funnen bevisst om bord, og blei raskt kontrollert av lege før vedkommande vart køyrd vidare til Stord sjukehus. Politiet fekk fyrst melding om ulukka klokka 21.10.

I samband med båtulukka var politiet på veg til staden då ein av politibilane kolliderte front-mot-front med ein privatbil. Skadane på dei to involverte personane er framleis ukjent, men begge førarane vart funne vakne og bevisste. Dei fekk raskt tilsyn av lege, og vart flogne vidare til Haukeland sjukehus med redningshelikopter. Begge bilane hadde store materielle skadar etter kollisjonen.

Les også
Båt- og bilulukke ved Godøysund
FRAKTA BILFØRARANE: Redningshelikopter fotografert etter å ha letta frå Gjerstad. Foto: Svein Agdestein.