MC-ulukke i Hegglandsvegen

Klokka 20.26 fekk naudetatane inn melding om ei motorsykkelulukke i Hegglandsvegen.

Motorsykkelen, med to personar oppå, har treft autovernet.

– Passasjeren, ei kvinne, har smerter. Sjåføren seier seg uskadd, fortel operasjonsleiar Eivind Hellesund, ved Politiet sin operasjonssentral.

Han opplyser at motorsykkelen har såpass mykje skader at den ikkje er køyrbar.

Politiet er i skrivande stund kome fram til ulukkesstaden.