VØMMØL’S FØRARKORT: Tom Rydland med trønderbart song solo om han som køyrde utan førarkort.
VØMMØL’S FØRARKORT: Tom Rydland med trønderbart song solo om han som køyrde utan førarkort.

Fullsett OnarTun fekk musikalsk «Norge Rundt»

Mannskor og kammerkor lokka 120 godt vaksne sunnhordlendingar til OnarTun laurdagskvelden. Dei fekk både mat og drikke, og ikkje minst ein musikalsk rundtur i Norge.
Publisert 16.04.2018 kl. 12.50.

Osternes Mannskor med nær 20 fitjarbuar hadde for to år sidan stor suksess med kabareten «Norge Rundt», der dei syng melodiar frå alle landsdelar. Dei var også på Bømlo med kabareten. Laurdag var det Tysnes sin tur, takka vera invitasjon til samarbeid med Tysnes Kammerkor. Dei to kora hadde sett saman eit program etter same lest som Osterneskoret hadde, men fylt ut med fleire melodiar frå nord og sør, aust og vest. OnarTun opna tre kvarter før sjølve konserten starta, og praten gjekk lystig før dei to kora entra scenen.


Kjende melodiar

Dei aller fleste melodiane var slike publikum kjende frå før. Konserten starta med «Kom sommarvind» av Tove Karoline Knutsen, og då var me straks i Nord-Norge. Derfrå fekk me også «Hurtigruta» av Kari Bremnes, begge desse framført av fitjarbuane i Osternes Mannskor, dirigert av Ole Christian Ottestad, som også spela saxofon. Tysnes Kammerkor, dirigert av Trent Bruner, følgde flott opp med «Bruremarsj frå Lødingen» av Halvdan Sivertsen og «Har du fyr» av Ola Bremnes. Oljearbeidar Øystein Flakke song solo på den siste, og stemma hans passa svært godt inn. Turen til Nord-Norge vart avslutta med at alle, både mannskoret og dei vel 20 i kammerkoret og dei om lag 120 publikummarane song «Ti tusen tommeltottar» saman. Då svinga det bra i OnarTun.


Fem landsdelar

Trøndelag var neste landsdel i Norge Rundt. Kvar landsdel vart introdusert med ein video laga av og med aktørar frå mannskoret. John Arvid Skumsnes intervjua Harald Johan Sandvik, den tidlegare ferjedirigenten på Sandvikvåg. Sandvik, som sjølv syng i mannskoret, var både nordlending, trønder, austlending, sørlending og vestlending. Desse videoane slo tydelegvis godt an i OnarTun, særleg sørlendingen. Kvar landsdel vart presentert med to melodiar av kvart kor i tillegg til at publikum vart med på allsong som avslutningar. Vestlandet kom til slutt, og det ljoma godt i OnarTun då alle song med på «Det skal bli andre bollar». Etter den var det klart for – ikkje bollar – men betasuppe. Det var tydeleg at både det musikalske repertoaret og menyen smakte det godt vaksne publikummet.


Heile Tysnes

Gerhard Alsaker sat bak ved peisen og kosa seg over «Norge Rundt».

– Ja, dette er kjekt. Og her er jo folk frå heile Tysnes, faktisk trur eg det er færrast her frå Onarheim.

Det var også fleire stordabuar å sjå i OnarTun denne kvelden. Ein av dei var Øystein Eide Eskeland.

– Dette var veldig kjekt. Begge kora er flinke. Me hadde faktisk høyrt «Norge Rundt»-framsyninga også i Fitjar, men ville ha det med oss ein gong til. Og med Tysnes Kammerkor i tillegg vart dette veldig god underhaldning. Me har parkert campingbilen her nede på kaien og blir her i natt, smiler stordabuen.





ALLSONG NORGE RUNDT: Tysnes Kammerkor og Osternes Mannskor leia allsongen. Her er det «Tusen tommeltottar» som avsluttar Nord-Norge-turen.
ALLSONG NORGE RUNDT: Tysnes Kammerkor og Osternes Mannskor leia allsongen. Her er det «Tusen tommeltottar» som avsluttar Nord-Norge-turen.
POPULÆRT: TV-programmet er populært, men jammen viste det seg at kabareten «Norge Rundt» også trekte folk.
POPULÆRT: TV-programmet er populært, men jammen viste det seg at kabareten «Norge Rundt» også trekte folk.
OSTERNES MANNSKOR: Gurid Refvik var solist på «Kom sommarvind» og «Hurtigruta».
OSTERNES MANNSKOR: Gurid Refvik var solist på «Kom sommarvind» og «Hurtigruta».
LIKSOM-NORGE RUNDT:  Her introduserer Harald Johan Sandvik (t.v.) og John Arvid Skumsnes nordlendingen.
LIKSOM-NORGE RUNDT: Her introduserer Harald Johan Sandvik (t.v.) og John Arvid Skumsnes nordlendingen.
IVRIGE LYTTARAR: Både Helge Hauge og Gerhard Alsaker kosa seg med dei to kora.
IVRIGE LYTTARAR: Både Helge Hauge og Gerhard Alsaker kosa seg med dei to kora.
STORDABUAR: Nærast t.v. sit Øystein Eide Eskeland, Jonas Eldøy, Kirsten Eskeland (med ryggen til) og Magna Eldøy.
STORDABUAR: Nærast t.v. sit Øystein Eide Eskeland, Jonas Eldøy, Kirsten Eskeland (med ryggen til) og Magna Eldøy.
TYSNES KAMMERKOR: Øystein Flakke var solist på «Har du fyr» og «Dains me dæ».
TYSNES KAMMERKOR: Øystein Flakke var solist på «Har du fyr» og «Dains me dæ».

Siste saker Gå til framsida

På gamleheimen

At gamleheimen skulle koma til å hamna på Hovland, hadde mest med tilfeldige omstende å gjera. Det vart i alle høve slik at Tysnes Gamleheimslag overtok den staselege gamle doktorbustaden som vart bygd av distriktslege Gjestland, som fekk skøyte i 1880. Her sette han opp ein bustad som ikkje stod tilbake for dei gamle patrisiarhusa som rikfolk i Bergen gjerne bygde som «lyststeder» utanfor...

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...