Åtvarar mot glatte vegar
«Bilistar; dette er ikkje dagen for sommardekk, vegane i heile fylket er dekt av snø og slaps no i morgontimane», skriv Vest Politidistrikt på Twitter laurdag morgon.
Både i Tysnes og andre stader har det kome mykje snø i løpet av natt til laurdag, og det er meld om fleire trafikale hendingar rundt om i fylket i løpet av natta og morgontimane. Mellom anna køyrde ein bil på sommardekk av vegen og inn i ein fjellvegg på Osterøy like før midnatt.
Artikkelen held fram under annonsen.
Ifølgje Yr kan det koma litt meir snø i kommunen i formiddagstimane laurdag, men elles er det venta opphaldsvêr resten av helga. Det er meld plussgradar på dagtid, men natt til søndag kan gradestokken krypa ned på minussida.
