PLENKLIPPING: Bråk på helgedagar har ført til irritasjon. (Illustrasjonsfoto: Colourbox)

Klagar på bråk frå plenklipparar og blandemaskin

Til «Tysnes» er det kome inn klager frå lokale innbyggjarar om brot på helgedagsfreden. Det går både på plenklipping og bruk av blandemaskin på søndagar og helgedagar.

Lensmann Terje Sperrevik oppmodar folk om å ta omsyn og visa fornuft.

– Snakk med naboar, ha dialog med folk og vis respekt for andre sine behov og ynske når det skal vera stille og fredeleg, seier lensmannen.

Han har i det siste ikkje registrert klager frå Tysnes om brot på helgedagsfreden.

Lensmannen minner også om at folk må visa omsyn nattestid, og unngå høg musikk.