Retting om krigsfangar

I «Tysnes» sist veke kunne me sjå namn på 21 tysnesingar som var i tysk fangenskap under krigen. Namna finn ein på Arkivverket si nettside.

Frå ein oberservant «Tysnes»-lesar har me fått inn ei korrigering: Magda Henriksen skal vera feil namn, det rette skal vera Martha Sofie Henriksen.

Tore Atle Humlevik fortel at ho var mor til Norolf og Henning Henriksen, som også står på lista. Han opplyser at det var kona til lensmannen som reiste med desse tre «Henriksen-fangane» til Bergen og Gestapo. Dei tre undra seg over det, men trudde det var for å visa at det ikkje var farlege fangar.

Det er og grunn til å tru at namnet Holger Grimstad heller ikkje er rett. Det skal nok vera Helga Grimstad, trur Humlevik. Helga var gift med Kristoffer Grimstad.