NY AREALPLAN: Slik vil arealkartet for Tysnesbygda sjå ut viss administrasjonen sitt forslag blir vedtatt. Områda B 04, B 07, B08 og B09 viser nye bustadområde som er føreslått inn i planen, medan LSB 12 ved Kyrkjestølen er eit nytt LNF/Spreidd bustad-område. Dei andre gule områda er eksisterande bustadsområde, medan dei oransje områda er kombinert busetnad, næring og tenesteyting. Dei raude områda er offentleg eller privat tenesteyting, og er område der skulen, barnehagen og kyrkja ligg på. Lilla er næringsområde. Eit av bustadsområda som ikkje er med i forslaget, og som vart etterlyst av politikarane, er det planlagde bustadområdet Lynarhaughadlo, som ligg aust for Vågsmarka. (Alle illustrasjonar: Tysnes kommune/Omega Areal/kommunekart.com)
– Arealplanen er for viktig til at me no sender den ut på høyring så kort tid frå administrasjonen sitt forslag er kjent
Det var tiltenkt at formannskapet skulle gå inn for å senda den nye arealplanen ut på høyring, men politikarane vil ha betre tid til å gå gjennom forslaget frå administrasjonen.
