Brannvesenet rykte ut til Grovarvegen
Det begynte å brenna i ei stove i ein einebustad tysdag kveld.
«Brann i stue, enebolig. Brannvesen på veg», melde 110 Vest på Twitter/X klokka 18.54 tysdag kveld.
Brannen skal ha starta i ein einebustad i Grovarvegen i Tysnesbygda, ifølgje Twitter/X-meldinga.
Artikkelen held fram under annonsen.
Tysnes, Grovarvegen. Brann i stue, enebolig. Brannvesen på veg.
— 110 Vest (@110Vest) January 30, 2024
Til Bergens Tidende fortel vaktkommandør Dan Inge Gjesdal hos 110-sentralen at ein gjenstand hadde tatt fyr oppå ein ved- eller peisomn. Det skal ha oppstått mykje røyk og opne flammar.
– Det er ein mann på adressa. Han har gått ut av huset og rapporterer å ha det bra helsemessig, sa Gjesdal til BT medan brannvesenet var på veg.
Klokka 19.15 kom det ny melding på Twitter/X om at Tysnes brann og redning var komen fram, og at brannen var sløkt.
«Brannen er begrensa til noe som har brent på ildstedet. Ikke spredning til inventar. Brannvesen lufter ut», skriv 110 Vest i meldinga.
