Dødsfallet på Onarheim var ei ulukke

Politiet går no ut med ei bekrefting på at dødsfallet utanfor OnarTun i jula var ei ulukke.

Det var Kjetil Carlsen Høviskeland (26) frå Onarheim som blei funnen død utanfor OnarTun 2. juledag.

– Me er overbevist om at dette er ein ulukke, eit hendeleg uhell, seier politioverbetjent Anders Opsal ved Kvam, Samnanger og Tysnes lensmannsdistrikt til BT i dag, tysdag.

Ein førebels obduksjonsrapport slår fast dødsfallet er forårsaka av fall frå tak, på fem-seks meter.

– Vår teori er at han gjekk opp på taket for å komma seg inn i leilegheita si via ein takterrasse. Det var frost på taket, og det var truleg årsaka til at han sklei og fell, seier Opsal til BT.

redaksjonen@tysnesbladet.no