Eitt nytt smittetilfelle etter testinga måndag
Måndag testa over 100 personar seg ved rådhuset i Uggdal. Desse testane har berre ført til eitt nytt smittetilfelle, i tillegg til at åtte personar som testa positivt på heimetesting i helga har fått stadfesta smitte.
I alt er det no 25 personar som har fått påvist koronasmitte i kommunen i løpet av den siste veka. Før eit hundretals personar testa seg måndag var det registrert 24 smitta i kommunen, derav åtte som hadde testa positivt på hurtigtestar. Testinga måndag resulterte i at dei åtte fekk stadfesta påvist smitte, i tillegg til at det er påvist eitt nytt smittetilfelle.
At ikkje fleire nye testa positivt kallar ordførar Kåre Martin Kleppe relativt gode nyhende.
Artikkelen held fram under annonsen.
– Det var betre enn forventa. Me føler kanskje no at me har litt betre oversikt over situasjonen, seier han.
Kommunen fortset no med testing dagleg, og alle som har symptom på covid-19 blir råda til å testa seg. Torsdag skal etter planen alle som hurtigtesta seg i helga hurtigtesta seg på nytt.
