Fem personar har fått påvist koronasmitte
To skuleklassar blir stengt ut veka.
Alle dei fem som no er smitta har tilknyting til kvarandre.
To av dei fem som er smitta er elevar ved skulane på Tysnes, ein elev i tredje klasse på Uggdal skule og ein elev i femte klasse på Tysnes skule.
Artikkelen held fram under annonsen.
Det var kommunal kriseleiing som i dag vedtok å stengja dei to klassane som desse elevane går i. Stenginga vil gjelda ut veka.
Ordførar Kåre Martin Kleppe seier til «Tysnes» at ein vurderer det som eit lite inngripande tiltak å halda elevane i dei to klassane heime. Andre tiltak blei og vurdert, men ein kom fram til at dette var det beste alternativet, og eit godt tiltak for å oppdaga og hindra eventuell smittespreiing.
