Hodnanes-ferja innstilt til klokka 10
Fjord1 må innstilla morgonavgangar på grunn av beredskapstur.
«Grunna beredskapstur vert ruta innstilt frå start», skriv Fjord1 i ei driftsmelding klokka 04.04 torsdag morgon.
Normalt sett har Hodnanes-sambandet fyrste morgonavgang frå Nordhuglo klokka 05.45, og deretter frå Hodnanes til Jektevik klokka 06.00.
Artikkelen held fram under annonsen.
Det vart ikkje tilfellet torsdag morgon.
Som ved fleire høve tidlegare i år, melder Fjord1 at dei tidlegaste avgangane blir kansellerte på grunn av nattleg beredskapstur. Årsaka er at sambandet må oppfylla kviletidsreglane.
Fyrste avgang torsdag føremiddag blir klokka 10.00 frå Nordhuglo. Deretter blir det ordinær rute frå og med 10.20-avgangen frå Hodnanes, melder Fjord1.
