Innstilt på nytt – reserveferje på plass
Hodnanes-Nordhuglo-Jektevik slit med tekniske problem i morgon- og føremiddagstimane fredag. Reserveferje er sett inn.
Klokka 05.55 fredag morgon kom den fyrste meldinga frå Fjord1 om at sambandet Hodnanes-Nordhuglo-Jektevik var innstilt inntil vidare på grunn av teknisk problem.
Ein time seinare var det heldigvis gode nyhende å få frå ferjeselskapet. «Normal rute i sambandet med oppstart frå Hodnanes 07.00» lydde den nye meldinga.
Artikkelen held fram under annonsen.
Klokka 09.56 kom det derimot ei ny melding frå ferjeselskapet. Dei melder at sambandet på nytt er innstilt inntil vidare på grunn av teknisk feil. Ferja ligg no til kai på Hodnanes. Etter ruta skulle den ha gått vidare til Jektevik klokka 10.20.
Klokka 10.40 kom det ny oppdatering frå Fjord1. Dei skriv at reserveferja «Lifjord» blir sett inn i sambandet, og at den skal gå frå Hodnanes kring klokka 11.10. Forsinkingar må påreknast, melder Fjord1.
Kring klokka 11.10 var «Lifjord» på plass på Hodnanes, og kring 11.18 sette reserveferja kursen mot Jektevik. Samstundes er «Julsund» på veg mot Eldøyane.
