Innbrot i Esso i Våge
Har stole tobakk og kontantar. Politiet ber om tips.
Natt til søndag var det innbrot i Esso-stasjonen i Våge. Lensmann Terje Sperrevik fortel at uvedkomande har kome seg inn gjennom taket.
– Den eller dei må ha jobba ein del for å ha kome seg inn i lokala, seier lensmannen.
Artikkelen held fram under annonsen.
Han spør om det er nokon som har køyrt forbi stasjonen om natta og sett noko uvanleg.
– Viss det er nokon som har informasjon eller tips, ber me om at dei tar kontakt med politiet, seier lensmannen.
Det blei stole ein del tobakksvarer og ein mindre pengesum.