Innstilte avgangar tysdag kveld og onsdag morgon
På ny har Fjord1 utfordringar med å stilla med nok mannskap på MF «Kommandøren».
Litt over klokka åtte tysdag kveld kom denne meldinga frå ferjeselskapet: «Pga mannskapsmangel blir det følgende endringer: Siste avgang fra Våge i kveld blir 20:30, og fra Halhjem 21:15. Første avgang i morgen tidlig blir fra Våge kl 08:10. Mvh Fjord1 på vegne av Skyss.»
Dette er andre gongen i 2024 at ferja blir innstilt både kveld og påfølgjande morgon, og igjen blir viktige pendlaravgangar råka. Både 05.30- og 06.50-avgangane frå Våge fell ut onsdag morgon, og det same gjer 06.10- og 07.30-avgangane frå Halhjem.
Artikkelen held fram under annonsen.
Tysdag kveld er det to turar som utgår: 22.10-avgangen frå Våge og 22.55-avgangen frå Halhjem.
Om det kan redda onsdagen for nokon vil me minna om Rødne si skuleskyss-rute mellom Våge, Reksteren og Osøyo. Ifølgje ruteplanen går båten også i vinterferien.
