Glatt: Oppfordrar folk til å køyra forsiktig
ONSDAG KVELD: Det kan enkelte stadar vera ekstremt glatt på vegane på Tysnes. Det gjeld over heile Tysnes.
Det er ein «Tysnes»-tipsar som melder dette til avisa onsdag kveld.
Temperaturen kan variera frå plussgrader til minusgrader.
Artikkelen held fram under annonsen.
– Enkelte stadar kan det vera fint å køyra, medan det andre stadar brått kan vera ekstremt glatt, med ei tynn ishinne som er vanskeleg å sjå, er meldinga til avisa.
«Tysnes»-tipsaren melder at alt brøytemannskap skal vera ute for å salta. Etter det avisa forstår, skal det enkelte stadar vera så glatt at saltebilar har måtta leggja på kjetting.
