Nav oppmodar unge til å søkja julejobb
Publisert
Arbeidsløysa i Vestland har gått ned det siste året. Ved utgangen av oktober var 5.475 personar registrerte som heilt arbeidsledige, 358 færre enn på same tid i fjor. Det svarar til 1,6 prosent av arbeidsstyrken, mot 2,0 prosent på landsbasis.
Samstundes er det registrert 4.095 ledige stillingar i fylket, nesten 300 fleire enn i oktober i fjor. Flest stillingar er det innan helse, pleie og omsorg, med 1.025 utlyste jobbar. Deretter følgjer butikk- og salsarbeid med 403 stillingar og serviceyrke med 371.
Annonse
Nav har no oppretta eit eige filter for julejobbar på arbeidsplassen.no. Fylkesdirektør Bjarte Hysing-Olsen i Nav Vestland oppmodar særleg unge til å nytta sesongjobbar som ein inngang til arbeidslivet.
Han peikar på at slike jobbar kan gje verdifull arbeidserfaring, men også at mange julejobbar aldri blir lyste ut.
