No kjem Vipps-innlogginga
I løpet av dagen i dag får «Tysnes» ei ny løysing for innlogging for abonnentar. Løysinga blir sett i verk i løpet av dagen, og inneber at du kan logga inn med Vipps, som har blitt meir og meir vanleg den siste tida.
Dette fører mellom anna til at alle abonnentar innan dei neste sju dagane vil bli automatisk logga ut og må logga inn igjen på nytt.
Då vil eksisterande abonnentar få opp Vipps-innlogging som eit alternativ i tillegg til eksisterande innloggingsløysing med telefonnummer eller e-post som brukarnamn.
Om du loggar inn med eit telefonnummer som ikkje er kopla opp mot abonnementet ditt, vil du få opp ei feilmelding som seier at det ikkje finst eit aktivt abonnement på deg. Då kan du kontakta oss i avisa for å få hjelp.
Den nye påloggingsløysinga inneber også at det berre er éin person per abonnement som kan logga inn med Vipps.