Saknar du «Trampe»?

Ein tam kanin vart observert bak Andersland Bygg på Reiso måndag 3. oktober. Så langt har ingen eigarar meldt seg.

Kaninen bur no mellombels hos familien Eide Bergstø på Borgjo.

– Me fekk tips midt på dagen måndag om ein laus kanin like ovanfor Andersland Bygg. Seinare på kvelden hadde naboen fanga den på grunn av reven som luskar rundt i området. Kaninen høyrer ikkje til hos oss på Borgjo eller nokon i dalen, så vidt me har funne ut, og han saknar nok heimen sin. Veit du om nokon som saknar kjæledyret sitt, gje ein lyd, oppmodar May Iren Eide, som også har etterlyst eigar av kaninen på Facebook.

Ho fortel vidare at kaninen er tam, og tydelegvis vane med hund, for han reagerer ikkje på hunden deira «Broom» når han vil helsa på.

– Kaninen vert verande hos oss om ikkje eigar melder seg, eller me finn ein heim til han, opplyser Eide.