Snekke på grunn

To personar blei laurdag morgon redda opp frå ei grunnstøytt snekke.

Det var Hovudredningssentralen Sør-Norge som melde om hendinga på Twitter laurdag morgon. Dei melde at ei snekke hadde gått på grunn i området kring Fureholmen/Flornes.

To personar var om bord, men desse blei redda ut av redningsskøyta «Sundt», og frakta til land. Hovudredningssentralen skriv at snekka blir liggjande inntil vidare, og at eigar skal berga båten ved høve.

Til Bergens Tidene fortel Edvard Middelthon i Hovudredningssentralen at redningsaksjonen gjekk føre seg utan dramatikk.

– Dei to er i godt hald, og det var ingen dramatikk. Dei ba om assistanse, og fekk det. Det var dårlig vêr i området, difor sende me ei redningsskøyte, fortel Middelthon til BT.

Øyvind Bjerkestrand oyvind@tysnesbladet.no