TRAFIKK-KAOS: Medan vegen er stengd i Eredalen, er det kaos på grunn av mykje snø over Skaret. (Foto: Camilla Korsnes)
Trafikk-kaos på Tysnes torsdag ettermiddag
Det var trafikk-kaos på Tysnes torsdag ettermiddag og i kveldinga etter trailaren som køyrde utfor i Eredalen. Samstundes med at vegen Våge-Uggdal var stengd, kom det store snømengder. Det vart meldt om mykje snø i vegbanen mange stadar, ubrøyta veg og kaos over Skaret, der mange bilar som skulle både både opp og ned lagde lange køar. Trafikken stod lenge nesten heilt i ro. Bussar som var godt skodd med kjettingar, kom ikkje fram på grunn av kaoset. I 17.00-tida vart det meldt om lange køar på Hovland, men at trafikk då hadde teke til å gli litt på fram att.
