«Tysnes» forseinka på delar av Tysnes
Det er Sudi som melder dette torsdag morgon. Det er Sudi som har ansvaret for å distribuera papirutgåva av «Tysnes» i delar av Tysnes kommune: frå Lukksund-området til Lunde, Tysnesbygda, Uggdal og til Flatråker.
– Me håpar at me klarar å levera ut alle avisene innan klokka 14.00 torsdag, som er tidsfristen, opplyser Øyvind Havn i Sudi.
Artikkelen held fram under annonsen.
Driftsstopp på ein distribusjonsbil er årsaka til forseinkingane. Bilen fekk stopp i Sjoarvegen i Våge.
– Ny bil er på veg for å overta, melder Havn.
På Onarheim og Reksteren er det Posten som distribuerer avisa. Her skal det ikkje vera problem.
Avis-distribusjonen utanom Tysnes kommune skal ikkje vera råka av bilproblema.
