Våge-Halhjem var innstilt
Rett før MF «Kommandøren» skulle ha gått frå Våge klokka 11.30 onsdag, melde Fjord1 om driftsproblem på ferja. Sambandet var innstilt til klokka 13.00.
«Tysnes» snakka med operativ leiar på «Kommandøren», Bjørn Barstad, litt før klokka 12. Han kunne fortelja at dei hadde teknisk problem med ein lekkasje i brannsystemet på ferja, og at det ville ta litt tid før problema blei løyst. Han sa vidare at dei måtte ha ein sveisar om bord, og at dei jobba med å få det på plass.
Artikkelen held fram under annonsen.
– Me jobbar så fort me kan for å få ferja i gang igjen, sa han på telefon.
Då ferja blei innstilt gjekk ferjematrosane rundt på kaien og orienterte bilistane. Det var etter kvart mange som valde å køyra ut av køen.
