Våge gjestehamn blant fem finalistar
Båtmagasinet er i gang med ei ny kåring av «årets gjestehavn», og kanskje er det hamna i Våge som går sigrande ut av konkurransen dette året. Totalt har Båtmagasinet sine lesarar nominert 51 ulike gjestehamner, og dei fem med flest nominasjonar har gått vidare til ei avstemming. Våge gjestehamn er ei av desse.
– Me set stor pris på å vera blant finalistane. Det er tydeleg at folk kosar seg på Tysnes, seier Patrick Madsen, hamnedriftar og dagleg leiar på Mandelhuset.
Artikkelen held fram under annonsen.
Dei fire andre finalistane i kåringa er Bekkjarvik gjestehavn i Austevoll, Skartveit gjestehavn på Halsnøya utanfor Stavanger, Oscarborg gjestehavn i Drøbak og Stavern gjestehavn.
Fram til 14. mai kan folk stemma på sin favoritt på Båtmagasinet sine nettsider. Vinnaren blir kåra 1. juni, og blir tildelt diplom, flagg, heider og ære.
– Så håpar me sjølvsagt at folk vil stemma, og at det er me som vinn. Det hadde vore ein god ting for Tysnes, sluttar Madsen.
