Herrelandslaget i fotball leverte ikkje berre ein naglebitande kamp i går. Dei sørgde også for at Noreg stoppa opp. Ifølgje Statens vegvesen blei det merkbart rolegare ute på vegane. I fleire byar falt trafikken med mellom 30 og 70 prosent under kampen, samanlikna med same vekedag veka før.
– Me følgjer trafikken tett kvar dag, og det er fascinerande å sjå korleis store hendingar påverkar kvardagen. Det er eit flott bilete på kor sterkt fotball engasjerer, seier vegdirektør Ingrid Dahl Hovland.
Annonse
Effekten var tydeleg i fleire av storbyane. I Bergen fall trafikken ved Bryggen med nærmare 70 prosent. Også på mindre plassar som Erling Braut Haaland og Ørjan Nyland sine heimplassar, Bryne og Volda, fall trafikken med 50 og 60 prosent.
– Det er ikkje kvar dag ein får eit så tydeleg bilete av eit heilt land si merksemd, men denne kvelden var det ingen tvil: folk prioriterte kampen, seier Hovland.
