Fjordcruise med «Midthordland»
I ein elles tung sesong der det meste er kansellert som følgje av koronakrisa, inviterer MS «Midthordland» no i juli til tre cruise med mat og musikalsk underhaldning. Ein kan hiva seg med frå både Os og Våge, og det fyrste cruiset blei avvikla på laurdag.
– Me hadde med 37 frå Os og 21 frå Våge, og det var god stemning. Talet på passasjerar var passande med tanke på smitteverntiltak, fortel dagleg leiar Helge Andersen.
Artikkelen held fram under annonsen.
Om du òg vil på cruise med den ærverdige båten, er det to sjansar att. No på laurdag vert det bluescruise med 3 For The Show, med Dag Bergesen, Steinar Lyssand og Bjørn Moe. 25 juli er det Face to Face med Leif Østrem og Trond Pedersen som står for underhaldninga.
– Cruiset på laurdag er snart halvfullt (status på måndag, red. merk) og billettsalet til det siste er godt i gang, så me er ved godt mot, sluttar Andersen.
