Gjennomfører konserten som planlagt
Avskjedskonserten til Andé Eide i Tysnes kyrkje fredag kveld blir gjennomført som planlagt, men med nokre endringar som følgje av Kong Harald V sin bortgang.
Publisert
Fredag morgon sovna Hans Majestet Kong Harald V stille inn på Rikshospitalet i Oslo. Bortgangen til kongen har ført til at fleire arrangement landet over har blitt avlyst, men avskjedskonserten til André Eide som var planlagt i Tysnes kyrkje fredag kveld, skjer som planlagt. Det opplyser Eide til avisa.
– Det blir konsert, men med innhald/repertoar meir tilpassa kongens død. Det vil også bli markert med eitt minutts stille heilt i starten, fortel han.
Annonse
Pianisten sjølv vurderte saman med mellom anna kyrkjekontoret i kommunen om konserten skulle bli gjennomført, og landa altså på at dei skulle gjera det.
– Det har også vore ytra ønske blant folk på Tysnes om at konserten går som planlagt, trass det inntrefte, seier Eide.
