Info om stort og smått på «austsio»

Onarheimsguiden er oppdatert og trykt i nytt opplag, og på dei 56 sidene finn du info om turmål, friluftsområde/badeplassar, kulturminne, lokale bedrifter og mykje meir. Dette kan vera nyttig lesnad for fastbuande så vel som turistar, om ein ikkje er så kjent med denne delen av øya. I tillegg til tekst er Onarheimsguiden krydra med mange fine bilete.

Du kan lesa guiden på www.onarheimsguiden.no, eller ta med deg eit fysisk eksemplar på OnarTun, Årbakka Handelsstad, turistinformasjonen i Våge og fleire andre stader på øya.