Inviterer til open kyrkje i julestria
Onsdag kan ein ta turen til Tysnes kyrkje for eit lite avbrekk i julestria.
– Det er rett og slett for å kopla av ei lita stund midt i julestria, fortel organist og pianist André Eide.
Det har fleire gongar dei siste åra blitt invitert til open kyrkje i Tysnes kyrkje, der det er ope for alle til å dela ein felles stund i kyrkjerommet, med Eide som sørgjer for stemningsfull musikk. Onsdag blir det på nytt invitert til ein slik stund.
Artikkelen held fram under annonsen.
– Det er eit lågterskeltilbod frå kyrkja til folk på Tysnes. Kyrkja er open for alle og ein kvar frå kl 18 til 19, seier Eide, som fortel at vil koma mykje juletonar frå pianoet denne gongen.
– Ein kan koma og sitja, lytta, slappe av, og tenna eit lys viss ein ynskjer, avsluttar han.
