30 SPØRSMÅL: Kven blir Årets spåmann? Delta og vinn heider og ære, samt ti Flax-lodd. (Illustrasjonsbilete)

Klarar du å spå 2022?

Blir det straffesparkduell mellom bergensordførar Rune Bakervik og tysnesordførar Kåre Martin Kleppe i pausen på ein Njardar-kamp, og blir det opna restaurantdrift i Kubbervik igjen?

Som vanleg er «Tysnes» klar med årets kanskje aller mest prestisjetunge kåring. No gjeld det å sjå inn i glaskula og spå korleis 2022 blir. Me har 30 spørsmål, men har du 30 riktige svar?

Alt du treng å gjera for å delta er å trykka på denne lenka, og svara i veg. Du finn også spåmannskonkurransen i den siste papirutgåva av «Tysnes».

Artikkelen held fram under annonsen.

Fristen for å delta i konkurransen er 31. januar.

Om eitt år oppsummerer me svara, og den med flest riktige svar blir Årets spåmann. Dersom to eller fleire har like mange riktige, blir det loddtrekning for å kåra ein vinnar. Vinnaren får heider og ære, i tillegg til ti Flax-lodd.

I 2021 var det Else Marit Særsten som gjekk heilt til topps med 24 av 30 riktige svar.

Lukke til!