Sommarkonkurranse del 7: Kvar er dette?

Tysnesfest-pass. Middag på Haaheim. Middag på Mandelhuset. Alt dette og meire til kan bli ditt. Det er nemleg tid for siste del av «Tysnes» sin sommarkonkurranse, og hovudpremien skal delast ut.

I den siste oppgåva for sommaren spør me om kva adresse/vegnamn dette lille nabolaget har? Send ditt svar til e-post til redaksjonen@tysnesbladet.no, på sms til 48 20 56 60, eller som direktemelding til Bladet Tysnes på Facebook eller Instagram. Svarfrist er tysdag 17. august.

Alle med riktig svar er med i trekninga av fem Flaxlodd. Den som blei trekt ut som vinnar av konkurransen i sist veke er Karoline Støle. Me gratulerer vinnaren, og takkar for alle innsende svar.

Og så er det hovudkonkurransen. No gjeld det å finna fyrste bokstav i kvart av svara i dei sju oppgåvene i sommar, og setja desse bokstavane saman til riktig løysingsord.

Me kan hinta om at løysingsordet ikkje er eit typisk sommarord, men eit ord mange kan forbinda med sommaren. Ordet beskriver noko som dei aller fleste med ein eller annan Tysnes-relasjon kan oppleva støtt og stadig, særleg om sommaren.

Viss du finn fram til riktig løysingsord, så bør du senda det inn til oss. Då er du nemleg med i trekninga av sommarpakka vår, som inneheld ein trerettar middag på Haaheim Gaard for to personar, eitt fullt festivalpass til Tysnesfest 2022, samt ein trerettar middag for to på Mandelhuset. På toppen legg me eit vaffeljern, samt litt ekstra godsaker.

Premiane er sponsa av Tysnesfest, Haaheim Gaard, Mandelhuset og Tysnes Blomster og Interiør. Fristen for å delta er tysdag 17. august.

Viss du ikkje har fått med deg dei seks fyrste delane av sommarkonkurransen, så ligg dei tilgjengeleg under. Lukke til!

Sommarkonkurranse del 6:

Del 6 av hovudkonkurransen bestod i å finna ut kva dette busstoppet heiter. Den fyrste bokstaven i namnet er ein del av løysingsordet for hovudkonkurransen som blir avslutta i august

Sommarkonkurranse del 5:

Del 5 av hovudkonkurransen bestod i å finna ut i kva bygd dette forsamlingshuset står. Den fyrste bokstaven i namnet er ein del av løysingsordet for hovudkonkurransen som blir avslutta i august.

Sommarkonkurranse del 4:

Del 4 av hovudkonkurransen bestod i å finna ut kva vatnet på dette biletet heiter. Den fyrste bokstaven i namnet er ein del av løysingsordet for hovudkonkurransen som blir avslutta i august.

Sommarkonkurranse del 3:

Del 3 av hovudkonkurransen bestod i å finna ut kva staden heiter som dette biletet er tatt frå. Den fyrste bokstaven i namnet er ein del av løysingsordet for hovudkonkurransen som blir avslutta i august.

Sommarkonkurranse del 2:

Del 2 av hovudkonkurransen bestod i å finna ut kva fjelltopp dette biletet er tatt frå. Den fyrste bokstaven i namnet er ein del av løysingsordet for hovudkonkurransen som blir avslutta i august.

Sommarkonkurranse del 1:

Del 1 av hovudkonkurransen bestod i å finna ut kva dette vatnet heiter. Den fyrste bokstaven i namnet er ein del av løysingsordet for hovudkonkurransen som blir avslutta i august.